...

Azərbaycanın telefon şəbəkəsində səs trafikinin istehlakı 35 faiz azalıb

Telekommunikasiya Materials 9 İyul 2014 18:34

Trend-i buradan izləyin

Azərbaycan, Bakı, 9 iyul /Trend, müxbir Hüseyn Vəliyev/

İlin əvvəlindən "Aztelekom" İstehsalat Birliyinin (İB) ümumi istifadədə olan telefon şəbəkəsi üzrə səs trafikinin istehlakı 35 faiz azalıb. Bu barədə Trend-ə Birlikdən məlumat verilib.

İB-dən bildiriblər ki, azalmanın səbəbi kimi hazırda bütün ölkələrə xas olan internet-telefoniya servisinin populyarlaşması və genişzolaqlı qoşulmaların sayının artmasıdır: "Bu gün beynəlxalq telefoniyanın gəlirliliyini saxlamaq üçün danışıq kartları vasitəsilə bütün istiqamətlərə 0.15 manat məbləğində vahid tarif tətbiq edilir. Vəziyyətdən ən optimal çıxış yolu isə böyük artım potensialının olduğu genişzolaqlı xidmətlərin inkişafıdır".

Azərbaycanın dövlət provayderi "AztelekomNet" ilin axırına kimi genişzolaqlı qoşulmalar üzrə 50 faizlik artım gözləyir. 2013-cü ilin yekunlarına görə bu göstərici 80 faiz olub.

Birlikdən deyiblər ki, hazırda internet xidmətləri bazarında dövlət provayderinin payı 20 faizdir, yaxın zamanlarda bu göstəricinin 40 faizə çatdırılması planlaşdırılır: "Əsas məqsədimiz göstərilən xidmətlərin keyfiyyətinin artırılması və son istifadəçinin problemlərinin minimuma endirilməsidir".

Məqalədə:
Xəbər lenti

Xəbər lenti