Azərbaycanda yüksək texnologiyaların inkişafı üzrə Xüsusi iqtisadi zonanın yaradılma layihəsi gələcəkdə bütün sahənin inkişafına səbəb olacaq. Trend xəbər verir ki, bu barədə bu gün Sinam başçısı Elçin Əliyev bildirib.
"Bu zaman həm daxili, həm də xarici vəsaitlər hesabına maliyyə resursları cəlb olunmalıdır. İşlər uğurla başa çatarsa, müasir texnologiyalar tətbiq olunacaq və bu da öz növbəsində yeni iş yerlərinin yaradılmasına imkan verəcək", - deyə o bildirib.
O həmçinin qeyd edib ki, vergi qoymadakı güzəştlər böyük əhəmiyyətə malikdir. "Azərbaycanda texnoparkların yaradılması zamanı ölkənin bank sahəsi həmçinin üstünlük əldə edə biləcək", - deyə o bildirib.
Onun sözlərinə görə, Sinam bu istiqamətdə bir neçə təklif hazırlayıb. Bu - kompüterlərin tədarükü üzrə təklifdir. "Microsoft, İntel və b. şirkətlərlə işgüzar münasibətlərdə olaraq, layihənin ilin sonunadək təqdim olunacağına ümid edirik", - deyə o qeyd edib.
Digər layihə kimi o, İT-təhsil sahəsinin inkişafını adlandırıb. Bu layihəyə olan zərurətin səbəbi Azərbaycanın İT sahəsində yüksək ixtisaslı kadr çatışmazlığıdır. "Yaxın vaxtlarda şirkət xüsusi kursların keçirilməsi üçün Bakı Dövlət Universiteti ilə saziş imzalamağı planlaşdırır", - deyə o bildirib.
