Azərbaycanda LCD monitorları istehsal edən zavodun tikintisi planlaşdırılır. Trend xəbər verir ki, bu barədə rabitə və informasiya texnologiyaları naziri Əli Abbasov "Respublika" qəzetinə məlumat verib.
Onun sözlərinə görə, hazırda bu istiqamətdə müəyyən işlər görülür. "Araz" adlanacaq yeni müəssisənin Naxçıvanda tikilməsi planlaşdırılır.
Bu gün Azərbaycanın Mincəçevir şəhərində kömpüter istehsalı ilə məşğul olan "Kür" adlı zavod fəaliyyət göstərir. Sutkada 130 kompüter istehsal olunur və 3 il müddətinə zəmanət verilir. Bu yaxınlarda zavod stasionar telefon aparatlarının istehsalına başlayıb. İlin sonunadək respublikada təxminən 70 min aparata tələbat olduğu halda, 20 min aparatın istehsalı planlaşdırılır. Bir telefon aparatının qiyməti 7 manatdır.
Gələcəkdə müəssisənin məhsulunun Türkiyə, Gürcüstan və Orta Asiya ölkələrində satılması planlaşdırılır.
