Gürcüstan, Tbilisi, 12 dekabr/ Trend , müxbir N.Kirtsxaliya/ Gürcüstan müxalifətinin nümayəndələri ATƏT-in Baş katibi Mark Perren de Brişambo ilə görüşdə növbədənkənar seçkilərin keçirilməsinin zəruriliyini bəyan ediblər.
Birləşmiş Müxalifətin üzvü Kaxa Kukava görüş başa çatdıqdan sonra bildirib ki, bütün müxalifət partiyaları növbədənkənar parlament və prezident seçkilərinin keçirilməsi ilə bağlı öz rəylərini səsləndiriblər.
Onun sözlərinə görə, ATƏT Seçki Məcəlləsinə dəyişikliklər üzərində işləməli olan institutdur.
Yanvarın birinci yarısında müxtəlif institutlarla Seçki Məcəlləsinə dəyişikliklərin edilməsi ilə bağlı birbaşa dialoqun başlaması mümkündür.