Qırğızıstanın Xarici İşlər Nazirliyi cümə günü rəsmi olaraq ABŞ hökumətinə Bişkekdəki "Manas" bazasının hərbi fəaliyyəti barədə sazişin ləğv edilməsi barədə xəbərdarlıq edib. RİA Novosti - nin verdiyi xəbərə görə, bu barədə Qırğızıstan Xarici Siyasət İdarəsinin məlumatında bildirilir.
"Müqavilənin şərtlərinə müvafiq olaraq, onun fəaliyyəti Qırğızıstan tərəfinin ABŞ hökumətini rəsmi xəbərdarlıq etdiyi tarixdən 180 gün sonra dayandırılacaq", - deyə ölkə XİN-in məlumatında bildirilir.
İdarənin məlumatına görə, bazanın bağlanması barədə xəbərdarlıq notası fevralın 20-də ABŞ-ın Qırğızıstandakı səfirinə təqdim edilib.