Permdə "Xromaya loşad" gecə klubunda baş verən yanğın nəticəsində həlak olanların sayı artıb. Perm xəstəxanasından "İnterfaks"a verilən məlumata görə, ora gətirilən xəstələrdən 5-i vəfat edib. Bununla həlak olanların sayı 103 nəfərə çatıb. "Bizə gətirilən xəstələrdən ikisi artıq vəfat etmişdi, ikisi də sonra vəfat etdi və indi daha biri vəfat edib", - agentliyin müsahibi deyib.
Hadisə Permdə yerli vaxtla təxminən saat 1-də gecə klub-kafesinin yeddi illiyinin qeyd edilməsi zamanı baş verib. Klub demək olar ki, tamamilə yanıb. Ümumi sahəsi 500 kvadrat metr olan obyektin 400 kvadrat metri yanıb.