Azərbaycan, Bakı, 12 dekabr / Trend /
İranın xarici işlər naziri Mənuçöhr Müttəki "Manama dialoqu" regional təhlükəsizlik iclasında iştirak etmək üçün ötən gecə Bəhreynin paytaxtı Manamaya səfər edib. Bu barədə Trend İranın MEHR xəbər agentliyinə istinadən məlumat yayıb.
İranın XİN rəhbəri Sudandan Bəhreynə gəlib. O, bu gün "Manama dialoqu" regional təhlükəsizlik iclasında çıxış edəcək.
Müttəki səfər çərçivəsində iclasda iştirak edən digər ölkələrin XİN rəhbərləri və Bəhreyn rəsmiləri ilə ikitərəfli görüşlər keçirəcək.