Bakı. Elçin Hüseynov - Trend:
Martın 29-zu Misirin "Egypt Air" aviaşirkətinin А320 təyyarəsini qaçıran Seyf əd-Din Mustafa Kiprdən siyasi sığınacaq istəyib.
Bu barədə Trend Kiprin "Filelefteros" qazetinə istinadən xəbər verir.
Kipr məhkəməsi sığınacaq haqqında müraciəti aprelin 22-i Seyf əd-Din Mustafanın Misirə ekstradisiya etməsinə dair dinləmələr zamanı baxılacaq.
Daha əvvəl Kipr məhkəməsinin qərarı ilə Seyf əd-Din Mustafa 8 sutkalıq həbs edilmişdi.
O piratlıq, partlayıcı maddələrin qanunsuz saxlanılması, insanların qaçırdılması, terrorizm və digər maddələrlə ittiham olunur.
Xatırladaq ki, misirli Seyf əd-Din Mustafa "EgyptAir" aviaşirkətinin İskəndəriyyə-Qahirə marşrutu üzrə hərəkət edən A-320 təyyarəsini qaçırıb. Seyf əd-Din Mustafa komandiri və sərnişinləri onun tələbləri yerinə yetirilməyəcəyi halda uçağı partlatmaqla hədələyib.
Təyyarənin göyərtəsində 55 sərnişin olub, o cümlədən 8 Böyük Britaniya, 10 ABŞ vətəndaşı.
Əvvəl təyyarəni qaçıran Kiprdən siyasi sığınacaq istəyib, sonra Misirdəki həbsxanalarda olan məhbusların azad edilməsini tələb edib. Daha sonra isə o Kiprdə yaşayan kecmiş həyat yoldaşına məktub göndərib və təyyarənin Türkiyəyə uçmağını tələb edib. Bir müddətdən sonra o sərnişinləri azad edib və təhlükəsizlik qüvvələrinə təslim olub.
"Filelefteros" qazeti qeyd edir ki, Misir qanunvericiliyinə əsasən, Seyf əd-Din Mustafanı törətdiyi cinayətə ğörə ölüm cəzası gözləyir.