Bakı. Trend:
ABŞ-ın vitse-prezidenti Mayk Pens xəbərdarlıq edib ki, NATO ölkələri üzərlərinə götürülmüş öhdəliklərə riayət etmək üçün müdafiə xərclərini artırmalıdır.
Trend-in "BBC"yə istinadən verdiyi məlumata görə, Brüsseldə çıxış edərək bəyan edib ki, əgər NATO ölkələri müdafiəyə xərclərin yükünü ABŞ ilə bölməyəcəksə amerika xalqı səbirini itirə bilər.
Pens əlavə edib ki: "Prezident 2017-ci ilin sonuna əsl irəliləməni gözləyir".
Vitse-prezident həmçinin qeyd edib ki, ABŞ əvvəlki kimi Avropa İttifaqı ilə əməkdaşlığa və partnyorluğa sadiqdir.