Bakı. Trend:
Türkiyənin şimal-qərbində Eskişehir-Bursa avtomobil yolunda 32 avtomobilin iştirakı ilə yol qəzası baş verib.
Trend-in Türkiyə KİV-lərinə istinadən verdiyi məlumata görə, yol qəzası nəticəsində 1 nəfər həlak olub, 15 nəfər isə müxtəlif dərəcəli xəsarətlər alıb. Xəsarət alanlar yaxınlıqdakı xəstəxanalara yerləşdirilib.
Məlumata əsasən, qəzada yük maşını, 2 sərnişin avtobusu, 2 mikroavtobus və 27 minik avtomobili iştirak edib.
Qəzanın səbəbi yük maşınından yola dağılan yanacaq olub. Hazırda maşınının və onun sahibinin polislər tərəfindən axtarışı aparılır.