Bakı. Trend:
Yaponiyanın paytaxtı Tokioda 268 qram çəki ilə doğulmuş uşaq bir neçə aydan sonra xəstəxanadan buraxılıb.
Trend-in məlumatına görə, ötən ilin avqustunda anadan olmuş körpə uzun müddət həkim nəzarətində qalıb.
Qeyd olunur ki, ana bətnində baş vermiş qüsur nəticəsində uşağın böyüməsi dayanıb və nəticədə hamiləliyin 24-cü həftəsində qeysəriyyə əməliyyatı keçirilib.
Uşaq həkim nəzarətində olarkən 3 kiloqram çəki yığıb və müstəqil şəkildə ana südü qəbul etməyə başlayıb.
Bugünədək 300 qram çəkidən az doğulan uşaqlardan yalnız 23-ü sağ qalıb.
