Bakı. Trend:
Perunun cənubunda avtobusun iştirakı ilə baş verən yol qəzasında ən az 14 nəfər ölüb, 50-yə yaxın insan yaralanıb.
Trend-in məlumatına görə, bu barədə "Andina" agentliyi bildirib.
Qəza "Panamericana Sur" magistral avtomobil yolunda baş verib. Limadan Arekipaya (eyni adlı bölgənin mərkəzi) gedən avtobus idarəetməni itirərək 3 kiçik furqon ilə toqquşub.
Avtobusda 42 sərnişin olub. Ümumilikdə xəsarət alan 48 nəfər yerli xəstəxanalara çatdırılıb.