Bakı. Trend:
Rusiya Federasiyasında ötən sutka ərzində yeni növ koronavirusa 9 709 yeni yoluxma halı qeydə alınıb.
Trend-in "İnterfaks"a istinadən verdiyi məlumata görə, ölkədə virusa yoluxanların ümumi sayı 281 752 nəfərə çatıb.
Məlumata əsasən, yeni yoluxma halları ölkənin 85 regionunda, o cümlədən Moskvada (3 855) qeydə alınıb.
Bildirilir ki, ötən sutka ərzində koronavirusdan 94 nəfər ölüb (onlardan 71 nəfəri Moskvada), ölənlərin ümumi sayı 2 631 nəfərə çatıb.
Son sutka ərzində Rusiyada 4 207 nəfər, ümumilikdə isə 67 373 nəfər koronavirusdan sağalıb.