Bakı. Trend:
ABŞ Kabul hava limanında hərbçilərinin sayını azaltmağda davam edir.
Trend-in məlumatına görə, bu barədə ABŞ Müdafiə Nazirliyinin mətbuat katibi Con Kirbi məlumat verib.
"Biz geri çəkilməyə başladıq", - katib deyib.
ABŞ ordusunun həmvətənlərinin, başqa ölkələrin vətəndaşlarının və əfqan qaçqınların çıxarılması əməliyyatını davam etdirdiyi nəzərə çatdırılır. Əməliyyatın başa çatması 31 avqusta planlaşdırılır.
"Reuters"in məlumatına əsasən, hazırda Kabul hava limanında 4000-dən az ABŞ hərbçisi var.