Bakı. Trend:
Cənubi Koreyanın "Samsung" şirkəti Galaxy S22 flaqman smartfon seriyasını təqdim edib.
Trend-in məlumatına görə, smartfonun üç versiyası mövcüd olacaq: Galaxy S22 və Galaxy S22+, eləcə də ən üstün versiya - Galaxy S22 Ultra.
Galaxy S22 smartfonları yerə düşəndən sonra ön və arxa hissələrini zədələnməsindən qoruyan yeni "Corning Gorilla Glass Victus+" ilə təchiz edilmiş ilk smartfonlardır.
Baza modeli (Galaxy S22) 24-dən 120 Hz-ə qədər tezliyi olan AMOLED ekrana malikdir. Cihaz IPX8 standartına uyğun olaraq sudan qorunur. Əvvəlki nəsillə müqayisədə akkumulyatorun tutumu 4000 mA/saat-dan 3700 mA/saat-a qədər azalıb.
Yeni smartfonlar nəslindən əlavə olaraq, "Samsung" yenilənmiş Tab S8, S8+ planşetlərini (üç rəngdə mövcuddur), həmçinin Tab S8 Ultra-nı təqdim edib.