Bakı. Trend:
Şimali və Cənubi Amerikanı yüksək sürətli internetlə təmin etmək üçün "ViaSat-3 Americas" peyki ilə "Falcon Heavy" raketinin buraxılışı bir gün təxirə salınıb.
Trend-in məlumatına görə, bu barədə "SpaceX" şirkətindən bildiriblər.
Raketin indi Florida ştatının Kanaveral burnunda yerləşən Kennedi adına Kosmik Mərkəzindən 39A buraxılış kompleksindən cümə axşamı ABŞ Şərq sahilləri vaxtı ilə 19:29-da buraxılması planlaşdırılır.
6,7 ton ağırlığında olan peyk Kaliforniyada yerləşən "ViaSat Inc" şirkətinin yeni nəsil "Ka-band" qlobal əhatə sisteminin üç cihazından birincisidir. Onların ümumi ötürmə qabiliyyəti orbitdəki bütün kommersiya İnternet peyklərinn imkanlarından iki dəfə çoxdur.