Bakı. Trend:
İstanbulda naməlum şəxslər polis maşınına molotov kokteyli və əldəqayırma partlayıcı atıblar.
Trend-in NTV telekanalına istinadən verdiyi məlumata görə, insident icazəsiz toplaşma ilə bağlı zəngdən sonra baş verib. Hadisə yerinə gələn polis əməkdaşları insanlara dağılışmaq əmri verib. Lakin cavab olaraq qrupdan bəzi şəxslər polis maşınına molotov kokteyli və partlayıcı vasitələr ataraq hadisə yerindən uzaqlaşıblar.
İlkin məlumatlara əsasən, xəsarət alan yoxdur. Hücumla bağlı araşdırma davam edir.