Bakı. Trend:
ABŞ-da meymun çiçəyi xəstəliyinə ilk yoluxma hadisəsi aşkarlanıb.
Trend-in Associated Press-ə istinadən verdiyi məlumata görə, xəstə Şərqi Afrikaya səyahət etdikdən sonra ABŞ-a qayıdıb. Hazırda yoluxmuş şəxs Kaliforniyada xəstəxanada müalicə altındadır.
Bu ilin əvvəlində meymun çiçəyinin daha yoluxucu yeni növü aşkarlanıb. Sentyabrın sonundan bəri əsasən Burundi, Uqanda və Konqo Demokratik Respublikasında 3,1 mindən çox yoluxma halı qeydə alınıb.
Xatırladaq ki, Ümumdünya Səhiyyə Təşkilatı avqustun 14-də dünyanın bir sıra ölkələrində meymun çiçəyi xəstəliyinin yayılması ilə əlaqədar ictimai səhiyyə sahəsində fövqəladə vəziyyət elan edib.