Bakı. Trend:
Rusiyanın Volqoqrad şəhərində mənzildə baş verən yanğın nəticəsində 3 nəfər həyatını itirib.
Trend-in məlumatına görə, bu barədə Rusiya İstintaq Komitəsinin Volqoqrad vilayəti üzrə İstintaq İdarəsindən bildirilib.
Yanğının qurbanları arasında bir qadın və iki uşaq yer alır. Həmçinin, daha bir uşaq ağır vəziyyətdə xəstəxanaya yerləşdirilib.
Yanğın, Qeroyev Tula küçəsindəki binalardan birində qeydə alınıb. Hadisə ilə bağlı cinayət işi açılıb və istintaq davam edir.