Bakı. Trend:
Fələstinin "HƏMAS" hərəkatı İsrail fevralın 22-də azad edilməli olan bir qrup məhbusu azad edənə qədər vasitəçilərlə danışıqlar aparmaqdan imtina edib.
Trend-in məlumatına görə, bu barədə hərəkatın nümayəndəsi Mahmud Mardavi bildirib.
"Altı israilli girovun [təhvil verilməsi] müqabilində razılaşdırılmış məhbuslar azad edilənə qədər düşmənlə vasitəçilər vasitəsilə heç bir danışıqlar aparılmayacaq", - deyə o bildirib.
"Biz vasitəçilərdən düşməni razılaşmanı yerinə yetirməyə məcbur etməyi tələb edirik", - deyə "HƏMAS"ın nümayəndəsi qeyd edib.