Bakı. Trend:
Taylandın Praçuapxirixan əyalətində polis idarəsinə məxsus “Bell 212” helikopterinin yerə çırpılması nəticəsində 3 nəfər həlak olub.
Trend xəbər verir ki, bu haqda “Matichon” qəzeti yazır.
İlkin məlumata görə, helikopter yerə sürətlə enən zaman bir nəfər paraşuütdən istifadə etməklə xilas ola bilib. Helikopterin ağaclıq ərazidə düşdüyü bildirilir. Təmasdan partlayış, ardınca isə yanğın baş verib.
İnsidentin səbəbləri araşdırılır.