Bakı. Trend:
İsrail Hərbi Hava Qüvvələrinə məxsus təyyarələr Livanın cənubunda yerləşən və “Hizbullah”ın əsas dayaq məntəqələrindən hesab olunan yaşayış məntəqələrinə bir sıra hava zərbələri endirib. Hücumlar nəticəsində azı doqquz nəfər həlak olub.
Trend-in məlumatına görə, bu barədə Livanın Səhiyyə Nazirliyi məlumat yayıb.
Məlumatda bildirilir ki, Tir rayonunun Habbuş kəndinə endirilən hava zərbəsi nəticəsində beş livanlı həlak olub. Nəbatiyə əyalətinin Duveyr şəhərində isə üç nəfər ölüb, daha 19 nəfər yaralanıb.
Bundan əlavə, Məcdəl Silm yaşayış məntəqəsinin bombalanması zamanı “Hizbullah”ın tibb xidmətinin əməkdaşlarından birinin həlak olduğu bildirilib.
