Bakı. Trend:
İngiltərənin cənub-qərbində Kral Dəniz Qüvvələrinə məxsus Merlin Mk4 helikopteri qəzaya uğrayıb, nəticədə göyərtədəki hər üç heyət üzvü həlak olub.
Trend xəbər verir ki, bu barədə Böyük Britaniya Müdafiə Nazirliyi məlumat yayıb.
Qəza 3 iyun günortadan sonra təlim uçuşu zamanı baş verib. Qəzanın səbəbi hələlik məlum deyil və araşdırma aparılır.
Merlin Mk4 helikopteri əsasən Kral Dəniz Qüvvələri tərəfindən sualtı qayıqlara qarşı döyüşlər, dəniz patrulu, axtarış-xilasetmə əməliyyatları və qoşunların və yüklərin hava yolu ilə daşınması üçün istifadə olunur.
