2002-2005-ci llər ərzində Türkiyənin xarici borcu 39,7 mlrd. dollar, daxili borcu isə 90,7 mlrd. dollar artıb.
Trend in Türkiyədəki xüsusi müxbirinin xəbər verdiyi kimi, 2002-ci ildən 2005-ci ilin sonunadək statistik məlumatlara görə, ölkənin xarici borcu 130,4 mlrd. dollardan 170,1 mlrd. dollaradək artıb. Daxili borc isə 184,4 mlrd. dollar səviyyəsinə çatıb.
Borcların ümumi artımına baxmayaraq, faiz göstəricilərinin Türkiyənin artan ÜMM-si ilə müqayisədə aşağı düşməsi tendensiyası müşahidə olunur. Belə ki, əgər 2002-ci ildə ölkənin xarici borcu ÜMM-nin 77,5%-nə bərabər idisə, 2005-ci ildə bu göstərici ÜMM-nin 46,9%-ni təşkil edib.