Rusiya xarici işlər naziri Sergey Lavrov Braziliyaya yola düşüb.
"RİA Novosti" agentliyinə istinadən Trend xəbər verir ki, səfər çərçivəsində S.Lavrov Braziliya prezidenti Luis İnasiu Lula, Braziliyanın xarici işlər naziri Selsu Amorimlə görüşəcək, "Rio Branko" institutunda çıxış edəcək.
İki günlük səfəri zamanı S.Lavrov həmçinin Cənubi Amerika ümumi bazarının (MERKOSUR) iştirakçı-dövlətlərinin xarici işlər nazirləri ilə də görüşəcək.
Eyni zamanda, RF və MERKOSUR iştirakçı-dövlətləri arasında siyasi dialoq mexanizminin yaradılması ilə bağlı qarşılıqlı anlaşma haqqında memorandum imzalanacaq.
MERKOSUR iştirakçıları - Argentina, Braziliya, Venesuela, Paraqvay dövlətləridir.