Azərbaycan, Bakı, 21 iyun /Trend, müxbir Azad Həsənli/
Bakı-2015 Avropa Oyunları çərçivəsində yarışların 10-cu günü başlayıb.
Trend-in məlumatına görə, bu gün kamandan oxatma, çimərlik voleybolu, boks, şose velosipedi, suya tullanma, aerobika, akrobatika və batut gimnastikası, bədii gimnastika, atıcılıq, voleybol, atletika və su polosu üzrə yarışlar keçiriləcək.
Oyunların 10-cu günü çərçivəsində 25 dəst medal oynanılacaq: 6-sı bədii gimnastika, 4-ü akrobatika gimnastikası, 4-ü batut gimnastikası, 3-ü atıcılıq, 2-si aerobika gimnastikası, 2-si suya tullanma, 1-i kamandan oxatma, 1-i çimərlik voleybolu, 1-i şose velosipedi və 1-i su polosunda.
Azərbaycan idmançıları gün ərzində kamandan oxatma, boks, akrobatika, aerobika və batut gimnastikası, atıcılıq, voleybol, şose velosipedi, suya tullanma və bədii gimnastika yarışlarında qüvvələrini sınayacaqlar.