...

Dünyanın ən çox qazanan aktrisalarının adları açıqlandı (FOTO)

Mədəniyyət Materials 21 Avqust 2015 14:53 (UTC +04:00)
Amerikanın “Forbes” jurnalının reytinqinə əsasən bu il dünyanın ən çox qazanan aktrisası “Aclıq oyunları”nın ulduzu 25 yaşlı Cennifer Lourens olub
Dünyanın ən çox qazanan aktrisalarının adları açıqlandı (FOTO)

Azərbaycan, Bakı, 21 avqust /Trend/

Amerikanın "Forbes" jurnalının reytinqinə əsasən, bu il dünyanın ən çox qazanan aktrisası "Aclıq oyunları"nın ulduzu 25 yaşlı Cennifer Lourens olub. Trend-in Lenta.ru saytına istinadən verdiyi məlumata əsasən, aktrisa il ərzində 52 milyon dollar qazanıb.

İkinci yerdə 35,5 milyon dollarla Skarlett Yohansson, üçüncü yerdə "Casus" filminin qəhrəmanı Melissa Makkarti (23 milyon dollar) olub.

Siyahıda ABŞ-dan olmayan yeganə aktrisa çinli Binbin Fan olub. O, 21 milyon dollarla dördüncü yerdə qərarlaşıb.

Beşinci yerdə Ceniffer Eniston (16,5 milyon dollar), altıncı yerdə Culiya Roberts (16 milyon dollar) gəlib. Yeddinci yeri aktrisa və rejissor Ancelina Coli ilə aktrisa Riz Uizerspun bölüşüb - hər biri 15 milyon dollar qazanıb.

Ötən ilin reytinq lideri Sandra Bullok isə bu mövsüm 8 milyon qazanıb.

Məqalədə:
Xəbər lenti

Xəbər lenti