Bakı. Trend:
İtaliyalı aktrisa və model Daniela Cordano 76 yaşında vəfat edib.
Trend xəbər verir ki, bu barədə “NuovoSUD” nəşri məlumat yayıb.
Aktrisanın ölüm səbəbi açıqlanmayıb. Cordanonun cəsədi kremasiya olunacaq.
Daniela Cordano "1001 gecə" serialında Ələddinin anasını canlandırıb. O, “İnkvizisiya”, “Qorxu evi”, “Qara pişiyin gözü”, “Zalım Roma”, “Yeraltı dünyanın qəddar əli” kimi layihələrdə də rol alıb.
O, model kimi “Miss Palermo”, “Miss Siciliya” və “Miss Italy” müsabiqələrinin qalibi olub. Cordano 1980-ci illərdən kinodan ayrılaraq parapsixologiya ilə maraqlanıb.