Bakı. Elçin Mehdiyev - Trend:
Dövlət Miqrasiya Xidmətinin fəaliyyətində neqativ halların olmaması Prezident İlham Əliyev tərəfindən bizim qarşımıza qoyulan əsas vəzifələrdən biridir.
Trend-in məlumatına görə, bunu Dövlət Xidmətinin rəisi Vüsal Hüseynov deyib.
O qeyd edib ki, bu gün Xidmət neqativ hallardan, xüsusən korrupsiyadan uzaq fəaliyyət göstərir: "Əgər elə bir hal olarsa, bizim sistemdən kənarda ola bilər və bu cür halların dərhal qarşısı alınır".
V.Hüseynov bildirib ki, Xidmətdə daxili nizam-intizamın təkmilləşdirilməsi istiqamətində tədbirlər görülüb:
"Müəyyən əməkdaşlar Xidmətdən kənarlaşdırılıb, yerdəyişmələr olub, daxili nəzarət sistemi təkmilləşdirilib".
