Bakı. Samir Əli - Trend:
Bakının Nəsimi rayonu ərazisində baş vermiş yol qəzası nəticəsində ölən və yaralananların adları məlum olub.
Trend-in məlumatına görə, hadisə Nəsimi rayonu, R.Behdudov küçəsi, 22-də qeydə alınıb.
1971-ci il təvəllüdlü Əmiraslanov Ramiz Nəcəf oğlu idarə etdiyi "MG" markalı 90-NV-350 dövlət qeydiyyat nişanlı avtomobillə yolu keçən piyadalar - 1954-cü il təvəllüdlü Quliyeva Xanım Adil qızı, 1962-ci il təvəllüdlü Niyazov Valəddin Əlmirzə oğlu, onun oğlu, 1996-cı il təvəllüdlü Niyazov Seymur Valəddin oğlu və 1957-ci il təvəllüdlü Rüstəmova Fatma Cümşüd qızını vuraraq 5 saylı xətt üzrə hərəkət edən sərnişin avtobusuna çırpılıb.
Hadisə nəticəsində avtomobilin sürücüsü R.Əmiraslanov və piyadalardan F.Rüstəmova hadisə yerində dünyasını dəyişib, 3 piyada isə xəstəxanaya yerləşdirilib.
İlkin araşdırma zamanı məlum olub ki, hadisəni törədən sürücü R.Əmiraslanov sükan arxasında ürək tutmasından dünyasını dəyişib.
Faktla bağlı araşdırmalar aparılır.