Bakı. Elçin Mehdiyev - Trend:
Beyləqanda bıçaqlanma hadisəsi baş verib.
Daxili İşlər Nazirliyindən Trend-ə verilən məlumata görə, iyulun 26-da Beyləqan şəhəri Magistral küçəsində 1-ci Şahsevən kənd sakini R.Həsənov münaqişə zəminində bıçaqla həmkəndlisi E.Əliyarovun sifət və bədən nahiyələrinə çoxsaylı xəsarətlər yetirib.
E.Əliyarov xəstəxanaya yerləşdirilib.
Beyləqan RPŞ əməkdaşlarının keçirdikləri əməliyyat tədbirləri nəticəsində R.Həsənov saxlanılıb.
Faktla əlaqədar Cinayət Məcəlləsinin müvafiq maddələri ilə cinayət işi başlanıb.