Azərbaycan, Şəki, 01 iyul / Trend , müxbir E.Quliyev/ Azərbaycanın şimal-qərbində paytaxt Bakıdan 352 kilometr aralıda yerləşən Şəki rayonunda "Aqro İndat-Trid" MMC-də baş verən qəza nəticəsində bir nəfər ölüb, 3 nəfər isə ağır yaralanıb.
Şəki rayon Polis Şöbəsindən çərşənbə axşamı Trend -a verilən məlumata görə, bu gün saat 12.00 radələrində Şəkinin Vərəzət kəndində yerləşən südçülük kompleksi olan "Aqro İndat-Trid" MMC-də fəhlələrin ehtiyatsızlığı nəticəsində yüksək gərginlikli elektrik xəttində nazaslıq yaranıb.
Nəticədə Şəkinin Köbər Zəyzid kənd sakini 1977-ci il təvəllüdlü İlqar Ərizalan oğlu Rəsulov yerindəcə keçinib. Eyni zamanda, Vərəzət kənd sakini1980-ci il təvəllüdlü Rəşad Rəsul oğlu Abdulrəhimov, 1985-ci il təvəllüdlü Toğrul Gümüş oğlu Məmmədov və 1981-ci il təvəllüdlü Anar Əliyar oğlu Abdulrəhmanov ağır bədən xəsarətlərı ilə xəstəxanaya çatdırılıb.
Faktla bağlı Şəki RPŞ-də araşdırmalara başlanılıb. Ölən və xəsarət alanlar Şəki "Aqro İnşaat" MMC-də fəhlə işləyiblər.
Məqalə müəllifi ilə əlaqə ünvanı: [email protected]
