Azərbaycan, Bakı, 17, sentyabr / Trend , müxbir S.Kazımlı / Azərbaycan paytaxtında kirayədə yaşayan Lənkəran sakininin mənzilindən pul və qızıl əşyaları oğurlanıb.
Nərimanov rayon Polis İdarəsindən (RPİ) çərşənbə günü Trend -a verilən məlumata görə, sentyabrın 16 - da saat 15:00 radələrində Xoyski prospekti, ev 106, mənzil 30 ünvanında kirayədə yaşayan Lənkəran sakini Elşən Əlipaşa oğlu Şivəxanovun yaşadığı mənzildən 13 800 manat pul, 4 min ABŞ dolları və qızıl - zinət əşyaları oğurlanıb.
Rayon Polis İdarəsindən bildiriblər ki, hazırda oğurluq edən şəxsin tutulması üçün əməliyyat - axtarış tədbirləri davam etdirilir.
Faktla bağlı Nərimanov RPİ-də Azərbaycan Cinayət Məcəlləsinin oğurluq (177 - ci) maddəsi ilə cinayət işi başlanılıb, istintaq aparılır.
Məqalə müəllifi ilə əlaqə ünvanı: [email protected]
