Azərbaycan, Bakı, 14 aprel /Trend, müxbir K.Zərbalıyeva/
Azərbaycan əsgəri xəstəlikdən dünyasını dəyişib.
Müdafiə Nazirliyinin mətbuat xidmətinin rəis müavini Teymur Abdullayev Trend-ə bildirib ki, aprelin 13-də Gəncədə yerləşən "N" saylı hərbi hissədə xidmət edən 19 yaşlı Sənan Ələmdar oğlu Cəfərov dünyasını dəyişib.
Abdullayev 2010-cu ilin yanvar ayında Beyləqan Rayon Hərbi Komissarlığından həqiqi hərbi xidmətə çağırılan Cəfərovun ağ ciyər pnevmaniyasından dünyasını dəyişdiyini deyib.
Artıq əsgərin meyiti ailəsinə təhvil verilib.
Faktla bağlı Gəncə Hərbi Prokurorluğunda cinayət işi başlanılıb.