Azərbaycan, Bakı, 22 iyul /Trend, müxbir K.Zərbalıyeva/
Azərbaycanda hərbçi yoldaşı qətlə yetirərək hadisə yerindən qaçan əsgər tutulub.
Bu barədə Trend-ə Müdafiə Nazirliyinin mətbuat xidmətinin rəis müavini Teymur Abdullayev məlumat verib.
Abdullayev deyib ki, əsgər Arif Cəfərov saxlanılaraq istintaqa təhvil verilib.
İyulun 20-də Müdafiə Nazirliyinin Beyləqanda yerləşən "N" saylı hərbi hissəsində xidmət edən əsgər Arif Şakir oğlu Cəfərov təhlükəsizlik qaydalarını pozduğundan tabeliyindəki silahdan atəş açılıb. Güllə əsgər Hikmət Eldar oğlu Yusifova dəyib və o hadisə yerində həlak olub.