Azərbaycan, Bakı, 4 aprel / Trend müxbir K.Zərbalıyeva/
Bakıda iki avtomobil toqquşub, ölən və yaralananlar var.
Respublika Baş Dövlət Yol Polisi İdarəsindən Trend-ə verilən məlumata görə, aprelin 3-dən 4-nə keçən gecə saat 03:00 radələrində Xəzər rayonunda, Buzovna-Maştağa yolunda "VAZ 2107" ilə "Mercedes" toqquşub.
Nəticədə 1 nəfər ölüb, iki nəfər xəsarət alıb.
Həmin gecə saat 23:00-da Xəzər rayonunda, Buzovna kəndi ərazisində "VAZ 2107" markalı minik avtomobili aşıb. Nəticədə bir nəfər həlak olub.
Hər iki faktla bağlı cinayət işi başlanıb, istintaq aparılır.
Trend-in Daxili İşlər Nazirliyinin rəsmi internet saytına istinadən verdiyi məlumata görə, aprelin 3-də saat 03.00 radələrində Xəzər rayonu ərazisində Bakı şəhər sakinləri Ruslan Rəhimovun idərə etdiyi "Mercedes" və Azər Cəfərov idarə etdiyi "VAZ-2107" markalı avtomaşınlar toqquşub. İdarəetmə itirildiyindən hər 2 avtomaşın yolun kənarındakı mağazaya dəyib.
Nəticədə, Cəfərov hadisə yerində ölüb, xəsarət almış Rəhimov və sərnişini Cabir Nəsirov, habelə mağazada işləyən Yavər Əzimov isə xəstəxanaya yerləşdirilib, vəziyyətləri qənaətbəxşdir.