Bakıda keçmiş məhkum adam öldürdü
Azərbaycan, Bakı, 22 oktyabr /Trend, müxbir K.Zərbalıyeva/
Bakıda keçmiş məhkum bir nəfəri öldürüb, bir nəfər isə ağır bədən xəsarəti yetirib.
Bakı Şəhər Baş Polis İdarəsindən Trend-ə verilən məlumata görə, oktyabrın 20-də N. İsmayılov küçəsi ev 27-də, mübahisə zəminində, Bakıxanov qəsəbə sakini, əvvəllər məhkum olunmuş Əmrah Yaqubov bıçaqla, ev sahibi İsa Cəmiyevə xəsarət yetirib, Qusar rayon sakini Vitalik Bədəlovu qətlə yetirib.
Sabunçu Rayon Polis İdarəsinin 13-cü polis bölməsinin əməkdaşlarının keçirdiyi əməliyyat tədbirləri nəticəsində Yaqubov tutulub.
Faktla bağlı cinayət işi başlanılıb.
