Azərbaycan, Bakı, 30 dekabr /Trend/
Müstəntiqlər müəyyənləşdiriblər ki, Volqoqradda trolleybusda partlayışı terrorçu-intiharçı törədib, bombanın gücü isə trotil ekvivalentində 4 kiloqram olub. Trend-in RİA Novosti-yə istinadən verdiyi məlumat görə, bunu Rusiya İstintaq Komitəsinin rəsmi nümayəndəsi Vladimir Markin deyib.
Onun sözlərinə görə, partlayışı törədən terrorçunun şəxsiyyətini müəyyənləşdirmək üçün onun cəsədinin hissələri genetik ekspertizaya göndərilib.
V.Markin bildirib ki, terror aktı nəticəsində 14 nəfər ölüb, 28 nəfər isə xəstəxanaya yerləşdirilib.