Azərbaycan, Bakı, 30 dekabr /Trend/
Volqoqrad şəhərində iki partlayış nəticəsində 32 nəfər ölüb. Trend-in İTAR-TASS-a istinadən verdiyi məlumata görə, bunu Rusiya fövqəladə hallar nazirinin müavini Vladimir Stepanov deyib.
Onun sözlərinə görə, partlayışlar 104 nəfərin xəsarət almasına səbəb olub.
Qeyd edək ki, bu gün səhər saatlarında Volqoqradda trolleybusda baş vermiş partlayış nəticəsində ölənlərin sayı 14 nəfərə çatıb, 28 nəfər isə xəsarət alıb. Dünən isə şəhərin dəmiryol vağzalında baş vermiş partlayış nəticəsində 14 nəfər ölmüş, 40-dən artıq şəxs isə yaralanmışdı.