Azərbaycan, Bakı, 30 yanvar /Trend/
Volqoqradda vağzal və trolleybusda partlayış törətmiş intiharçı-terrorçuların şəxsiyyəti müəyyənləşdirilib. Trend-in məlumatına görə, bu barədə RİA Novosti Rusiya Milli Antiterror Komitəsinə istinadən xəbər verir.
Məlumatda qeyd edilir ki, 2013-cü il dekabrın 29 və 30-da Volqoqradda törədilmiş terror aktları üzrə qaldırılmış cinayət işinin istintaqı çərçivəsində isti izlərlə iki intiharçı-terrorçunun şəxsiyyəti müəyyən edilib: "Bunlar "Buynak terror qruplaşması"nın üzvləri Əsgər Səmədov və Süleyman Maqomedovdur".
O da bildirilir ki, Volqoqrada iki intiharçı-terrorçunu gətirməkdə şübhəli bilinən iki nəfər isə Dağıstanda tutulub: "Həmin şəxslər Maqomednəbi və Tahir Batirov qardaşlarıdır".
Qeyd edək ki, ötən il dekabrın 29 və 30-da Volqoqradda törədilmiş terror aktları nəticəsində 34 nəfər ölmüş, 106 nəfər isə xəsarət almışdı.