Azərbaycan, Bakı, 29 aprel /Trend, müxbir İ.İzzət/
Maşının kabinəsində həşiş qatranı aşkar olunub.
Dövlət Gömrük Komitəsindən Trend-ə verilən məlumata görə, Astara Gömrük İdarəsinin yük şöbəsində İran İslam Respublikasından Azərbaycan Respublikasına gələn Azərbaycan vətəndaşı Çingiz Kərimovun idarə etdiyi "KamAZ-54112" markalı nəqliyyat vasitəsinə gömrük baxışı keçirilib.
Baxış zamanı maşının kabinəsində, sürücü oturacağı ilə yataq yerinin arasındakı boşluqda çəkisi 2,39 qram olan narkotik vasitə - həşiş qatranı aşkar olunub.