Azərbaycan, Bakı, 24 iyul /Trend, müxbir Rufiz Hafizoğlu/
Məkkədə - müsəlmanların müqəddəs ziyarətgahı olan Kəbədə aparılan genişləndirmə işləri zamanı yanğın baş verib.
Trend-in məlumatına görə, bu barədə cümə axşamı Səudiyyə Ərəbistanının SPA informasiya agentliyi xəbər yayıb.
Yanğına səbəb plastik konstruksiyanın alışması olub.
Yanğın nəticəsində 14 nəfər xəsarət alıb, onlardan üçünün vəziyyəti ağır kimi qiymətləndirilir.
Faktla bağlı araşdırma aparılır.