Azərbaycan, Bakı, 15 sentyabr /Trend/
Bakıda A.Bakıxanov küçəsinin S.Vurğun küçəsi ilə kəsişməsində yol qəzası baş verib.
Şahidlərin Trend-ə verdiyi məlumata görə, "QAZel" markalı yük maşını ilə "Mercedes" markalı avtomobil toqquşub. Hadisə nəticəsində avtomobillərə, o cümlədən işıqfor dirəyinə və səkilərə ciddi ziyan dəyib.
Hazırda yol polisi qəza baş verən yolda tıxac yaranmaması üçün iş aparır.
Hadisə nəticəsində ölüm və xəsarət faktı barədə məlumat dəqiqləşdirilir.