Azərbaycan, Bakı, 8 iyun /Trend/
Tailandın Sonkqla həbsxanasında 2500 məhbus üsyan edib.
Trend-in RİA Novosti-yə istinadən verdiyi məlumata əsasən, buna səbəb həbsxana administrasiyasının məhbusların şəxsi əşyalarının əlavə təftişi ilə bağlı qərarı olub.
Qeyd edək ki, həbsxana 2 min nəfər üçün nəzərdə tutulsa da, orada 2500 məhbus saxlanılır.
Üsyan polis və hərbçilər tərəfindən yatırılıb. İnsident zamanı iki məhbus yaralanıb.