Azərbaycan, Bakı, 11 avqust /Trend, müxbir Elmir Murad/
Bakıda gecə saatlarında yanğın hadisəsi baş verib.
Trend Fövqəladə Hallar Nazirliyinin saytına istinadən xəbər verir ki, paytaxtın Sabunçu rayonunda vətəndaşa məxsus ümumi sahəsi 240 kv.m olan 2 mərtəbəli 5 otaqlı evin dam örtüyünün yanar konstruksiyaları 3 kv.m sahədə yanaraq yararsız hala düşüb.
Yanğın söndürənlər evin qalan hissəsini yanğından mühafizə etməyə müvəffəq olub.
Yanğın saat 01:56-da yanğınsöndürənlər tərəfindən söndürülüb.