Azərbaycan, Bakı, 15 avqust /Trend, müxbir Elmir Murad/
Qısqanclıq zəminində qətl hadisəsi törədilib.
Daxili İşlər Nazirliyindən Trend-ə verilən məlumata görə, Salyanda Şükür Hüseynova məxsus evdə əmisi oğlu Həsrət Hüseynov ona qısqanclıq zəminində bıçaqla xəsarət yetirərək yaralayıb. Xəsarət alan Ş.Hüseynov hadisə yerində ölüb.
Rayon Polis Şöbəsinin əməkdaşlarının həyata keçirdikləri əməliyyat-axtarış tədbirləri nəticəsində H.Hüseynov tutularaq istintaqa cəlb olunub.
Faktla bağlı araşdırma aparılır.