Bakı.Trend:
İki gün əvvəl Qubada itkin düşmüş uşaq tapılıb.
Fövqəladə Hallar Nazirliyindən Trend-ə verilən məlumata görə, avqustun 28-də Quba rayonunun Əsgi İqrığ kəndində meşəlik ərazidə itkin düşmüş Quba rayon sakini 2011-ci il təvəllüdlü Əliyev Natiq Namiq oğlu bu gün saat 09:45-də FHN-in Şimal regional mərkəzinin xilasediciləri tərəfindən tapılıb.
Uşağın vəziyyəti normaldır. O, aidiyyəti üzrə təhvil verilib.
Qeyd edək ki, N.Əliyevin axtarışlarında FHN-in Xüsusi Riskli Xilasetmə Xidmətinin, Dövlət Yanğından Mühafizə Xidmətinin, Mülki müdafiə qoşunlarının və Şimal Regional Mərkəzinin müvafiq axtarış-xilasetmə qüvvələri iştirak edib.