...

Ağcabədidə 84 yaşlı qadın döyülərək evi soyulub

Hadisə Materials 8 Fevral 2019 13:43 (UTC +04:00)
Ağcabədidə 84 yaşlı qadın döyülərək evi soyulub
Ağcabədidə 84 yaşlı qadın döyülərək evi soyulub

Bakı. Samir Əli - Trend:

Ağcabədidə 84 yaşlı qadın döyülərək evi soyulub.

DİN Mətbuat Xidmətindən Trend-ə verilən məlumata görə, “102 - Zəng Mərkəzi” Xidmətinə fevralın 2-nə keçən gecə Ağcabədi şəhərindəki evlərin birindən oğurluğa cəhd göstərilməsi barədə müraciət daxil olub.

Məlumatla əlaqədar dərhal Ağcabədi Rayon Polis Şöbəsinin əməkdaşları tərəfindən müvafiq tədbirlər həyata keçirilib. Araşdırmalarla rayon sakini olan 84 yaşlı qadının evinə basqın edən 2 nəfərin onu döyərək oradan 3000 manat pul aparmaları müəyyən edilib.

Keçirilmiş təxirəsalınmaz əməliyyat-axtarış tədbirləri nəticəsində quldurluğu törətməkdə şübhəli bilinən şəhər sakinləri R.Rüstəmov və İ.Mirzəyev qısa müddətdə müəyyən edilərək polis əməkdaşları tərəfindən saxlanılıblar.

Faktla əlaqədar Cinayət Məcəlləsinin 181-ci maddəsi (quldurluq) ilə cinayət işi başlanıb. İstintaq aparılır.

Məqalədə:
Xəbər lenti

Xəbər lenti