Bakı. Trend:
Oğuz rayonunun Bayan kəndində “Hyundai” markalı minik avtomobili yol kənarındakı ağaca çırpılıb.
Fövqəladə Hallar Nazirliyindən (FHN) Trend-ə verilən məlumata görə, hadisə yerinə cəlb olunan Şimal-qərb Regional Mərkəzinin xilasetmə qüvvələri sıxılı vəziyyətdə qalan sürücü 1977-ci il təvəllüdlü Ağakərimova Məlahət Ağazəki qızının və sərnişin 1969-cu il təvəllüdlü Ağakərimova Elnarə Ağakərim qızının meyitlərini deformasiyaya uğrayan nəqliyyat vasitəsindən çıxarıb və aidiyyəti üzrə təhvil veriblər.