Bakı. Elnur Bağışov - Trend:
İranın qərbində yerləşən Ərdəbil vilayətinin Xalxal rayonunun Cəlalabad-Masulə yolunda "Pride" markalı avtomobil aşıb.
Trend-in məlumatına görə, bunu İranın Ərdəbil vilayətinin Xalxal rayonunun hüquq-mühafizə orqanının polis rəisi polkovnik Hadi Musəvi deyib.
H.Musəvinin sözlərinə görə, avtomoilin aşması nəticəsində 3 nəfər həlak olub, 2 nəfər yaralanıb.
Polis rəisi əlavə edib ki, hadisəyə səbəb sürət həddini aşma olub.